Taram Varam Tharum

நூலாசிரியர் அறிமுகம்
பாபு வினோத்குமார் ஆகிய நான், தமிழ்நாட்டில் நீலகிரி மாவட்டத்தை பிறப்பிடமாகக் கொண்டு, குன்னூரில் பள்ளிக் கல்வியை முடித்து, மின்னணுவியலில் பட்டயப் படிப்பையும் மின்னியலில் இளங்கலை பொறியியல் படிப்பையும், வணிக மேலாண்மையில் முதுநிலை படிப்பையும் முடித்தவன்.
இந்தியாவில் மிகப் பிரபலமான காஸ்பெர்ஸ்கை ஆன்டி-வைரஸ், கஃபே காஃபி டே நிறுவனத்தில் தமிழக விற்பனைப் பிரிவு மேலாளராக பணிபுரிந்ததுடன், பார்தி ஏர்டெல்லின் புதுசேரி யூனியன் மற்றும் கோயமுத்தூர் தொலைத்தொடர்பு மேலாளராக பணிபுரிந்து பின்னர் இந்தியாவின் மிகவும் முக்கியமான மின்னணு சப்ளைசெயின் நிறுவனமான ரெடிங்டன் இந்தியா நிறுவனத்தில் உயரதிகாரியாக பணிபுரிந்தவன். பள்ளிக்காலங்களிலேயே இந்திய வானொலி மற்றும் பிரபல வார இதழ்களுக்கு பல்வேறு துணுக்குகளை எழுதியவன்.
அண்ணா பல்கலைக்கழகத்தில் வணிக மேலாண்மையில் முனைவர் பட்டம் பெற்று, கடந்த பதினைந்து ஆண்டுகளாக வணிக மேலாண்மை துறையில் மார்க்கெட்டிங் பேராசிரியராக பணிபுரிந்து வருபவன். நான் ஆங்கிலத்தில் வணிக மேலாண்மையை பற்றி நிறைய கட்டுரைகளை எழுதி வருகிறேன். டோட்டல் குவாலிட்டி மேனேஜ்மென்ட் பற்றி தமிழில் எளிதாக எல்லோருக்கும் புரிய வைக்கவேண்டும் என்பது எனது நீண்ட நாள் கனவு.
இது தமிழில் எனக்கு முதல் புத்தகமாகும்.