Tamil

“கதைப்போமா“ என்னும் கவிதை தொகுப்பு 40 இணை எழுத்தாளர்களைக் கொண்டு உருவாக்கப்பட்டது. மேலும் இந்த கவிதை தொகுப்பு எழுத்தாளர்களின் பலவித உணர்வு மற்றும் கண்ணோட்டத்தை காட்டும் விதமாக அமைந்துள்ளது. சிறிது நேர உரையாடலில் தீர்வு காணாத பிரச்சனைகளே இவ்வுலகில் இல்லை. மனதிற்கு நெருக்கமானவர்களுடன் நிகழும் உரையாடலின் கதகதப்பை பிரதிபலிக்கும் வகையில் “ கதைப்போமா” அமைந்துள்ளது.

‘மௌனத்தின் சத்தம்’ என்னும் கவிதை தொகுப்பு 30 இணை எழுத்தாளர்களைக் கொண்டு உருவாக்கப்பட்டது. மேலும் இந்த கவிதை தொகுப்பு எழுத்தாளர்களின் பலவித உணர்வு மற்றும் கண்ணோட்டத்தை காட்டும் விதமாக அமைந்துள்ளது. மௌனத்திற்கு பின் மறைந்துள்ள அர்த்தத்தை பற்றியும் அதன் தாக்கத்தைப் பற்றியும் பேசுவதாக ‘மௌனத்தின் சத்தம்’ அமைந்துள்ளது.

மனிதன் சொல்லால் வாழ்வதில்லை. சொல்ல முடியாமல் விழுங்கிய வார்தைகளால்தான் வாழ்கிறான். இந்தத் தொகுப்பு அந்த விழுங்கிய மௌனங்களுக்கான குரல். இங்கே ஒவ்வொரு மௌனமும் பேசுகிறது— சொல்லாமல் கடந்து போன காதல் பேசுகிறது, தொட முடியாத நினைவு பேசுகிறது, தோல்வியில் கூட மிஞ்சிய நம்பிக்கை பேசுகிறது. நாம் பழகிவிட்டோம் ஆர்பாட்டத்தை மட்டுமே கேட்க. ஆனால் வாழ்கையின் உண்மையான அர்தம் ஒளிந்திருப்பது இடைவெளியில்தான். இரண்டு வார்தைகளுக்கு இடையே இருக்கும் அமைதியில், இரண்டு மனங்களுக்கு இடையே இருக்கும் இடைவெளியில். பேசும் மௌனம் என்பது முரண்பாடு அல்ல. மௌனத்திற்கு மொழி கொடுத்தால் அது சொல்லும் கதைதான் இது. இங்கே உள்ள கவிதைகள் கத்தாது. ஆனால் படித்து முடித்த பின்னும் உள்ளுக்குள் எதையோ உலுக்கிக்கொண்டே இருக்கும். நீர் பாயாமல் நனைக்கும் தூரலைப் போல.